⚔️ Marafon FK - Qobustan FK
🏟 Stadion: ASK Arena IV
📅 Tarix: 15.03.2026

Komandamız bu vacib qarşılaşmaya tam hazırlıqla çıxacaq və növbəti mərhələyə yüksəlmək üçün meydanda sonadək mübarizə aparacaq.

💙 Azarkeşlərimizin dəstəyi bizim ən böyük gücümüzdür! Birlikdə bu yolda daha böyük uğurlara doğru!

İcra Hakimiyyətindən AZƏRTAC-ın bölgə müxbirinə bildirilib ki, tədbirdə rayon rəhbərliyi ilə yanaşı, AFFA-nın Mərkəzi Regional Futbol Federasiyası İctimai Birliyinin, Mil-Muğan Regional Gənclər və İdman İdarəsinin nümayəndələri, klubun rəhbərliyi və futbolçuları iştirak ediblər.

Rayon icra hakimiyyətinin başçısı Siraqəddin Cabbarov çıxışında “Marafon”un son nailiyyətlərindən danışıb. Qeyd edilib ki, komanda 24 avqust 2025-ci il tarixdə Azərbaycan Həvəskar Futbol Federasiyası tərəfindən keçirilən Azərbaycan həvəskarlar liqasının finalında “Sumqayıt” futbol komandasına, daha sonra 31 avqustda Azərbaycan kubokunun finalında “Naftalan”a qalib gələrək birinci yerə layiq görülüb. Komandanın son aylarda nümayiş etdirdiyi əzmkar və məqsədyönlü oyunlar yüksək qiymətləndirilib.

Çıxışlarda, həmçinin vurğulanıb ki, Ümummilli Lider Heydər Əliyevin idmana göstərdiyi diqqət və qayğı bu gün Prezident İlham Əliyev tərəfindən uğurla davam etdirilir. Rayon üzrə idmanın kütləviliyinin təmin olunması istiqamətində həyata keçirilən layihələrin gənclərin sağlam həyat tərzinə mühüm töhfə verdiyi diqqətə çatdırılıb. “Marafon” futbol klubunun prezidenti Vüsal Xəlilov çıxış edərək komandanın gələcək inkişaf strategiyasından, qarşıya qoyulan hədəflərdən bəhs edib və göstərilən dəstəyə görə minnətdarlığını ifadə edib. Digər çıxış edənlər də futbolun inkişafı, idmanın kütləviliyinin artırılması və gənclərin sağlam ruhda böyüməsinin vacibliyini önə çəkiblər.

Sonda “Marafon” futbol klubu Fəxri fərmanla təltif olunub, icra başçısına isə klub forması və simvolik hədiyyə təqdim edilib.

– "Marafon" İdman Klubu futzal, çimərlik futbolu, minifutbol, karate, boksda da təmsil olunub. Əvvəlcə, bu haqda danışaq...
– Bakıda keçirilən I Avropa Oyunları başlanmazdan öncə belə adda klub yaratmaq qərarına gəldik. Futzalda çıxış etməyə başladıq. 2017/18 mövsümündə Azərbaycan Kubokunu qazandıq və çempionatda gümüş medallara sahib çıxdıq. 2019-cu ildə "Marafon" yeni yaradılan minifutbol üzrə Alfa Liqada çıxış etdi və 2-ci oldu. Həmin il çimərlik futbolu üzrə Azərbaycan çempionatında da 2-ci yeri tutduq. 2021-ci ildə isə çimərlik futbolunda Azərbaycan Kubokunun qalibi olduq.

– Bəs necə oldu ki, böyük futbola qoşuldunuz?
– Tədbirlərin birində rayonumuzdan olan bir sıra idman adamları və futbol veteranları ilə görüşürdüm. Orada aramızda olan səmimi söhbət zamanı Sabirabadda futbolun inkişafına dair müəyyən dəstəyə zərurət yarandığını hiss etdim. Mən də öz tərəfimdən bağlı olduğum rayona aid komanda yaradacağımı bildirdim. Beləcə AFFA Region Liqasına qoşulduq. Məqsədimiz II Liqaya vəsiqə qazanmaq idi. Region Liqasında 9 oyun keçirdik, 8 qələbə, 1 məğlubiyyətimiz oldu. Həmin məğlubiyyət "Şirvan" komandasından oldu. 1/4 final mərhələsinin ilk matçında onlara uduzsaq da, cavab matçında onları məğlub etdik. Sadəcə, hesabı bərabərləşdirməyə 1 top fərqi çatmadı. Onu da deyim ki, "Marafon"la həmişə minimum 2-ci yeri tutmuşuq, bu dəfə ilk "8-liy"ə düşdük. İndi qatıldığımız Həvəskar Liqasında bunu düzəltməyə çalışacağıq. Artıq 2 qələbə və 1 heç-heçəmiz var.

– Böyük futbol kiçik futboldan fərqlənir. Komanda yaradarkən ilkin olaraq hansı tədbirləri gördünüz?
– İlkin olaraq təməlli sağlam və gələcək naminə uşaq komandasından başladıq. Hətta xarici klublarda gördüyümüz kimi, bütün uşaqlara forma, bəzi ehtiyacı olan uşaqlara isə idman çantası verildi. Çünki bunlar vacibdir. Elə imkansız ailələr var ki, uşaq həqiqətən istedadlıdır, lakin bəzi ehtiyaclara görə idman fəaliyyətini davam etdirə bilmir. Bu səbəblər müxtəlifdir. Ən başlıcası ailədə olan maliyyə sıxıntısıdır, digəri isə valideynlərin futbolla məşğul olduqdan sonra uşağın təhsildən kənar qala bilməsindən ehtiyat etməsidir.

– Futbolun inkişafını siz nədə görürsünüz? 
– Baxmayaraq ki, qatıldığımız AFFA Region Liqası həvəskar statusunda idi, məncə, orada belə ilk növbədə hər kəs öz işinə peşəkar yanaşmalıdır. Biz nə qədər buna nail olduq, onu ictimaiyyət daha yaxşı bilər. Əgər bir klub yaranıbsa, deməli, hansısa regionu və yaxud şəhəri təmsil edir. Və müəyyən qədər kütlə qarşısında öhdəlik daşıyırsan. Biz isə atdığımız hər addımda necə diqqətli olmalı olduğumuzu çox yaxşı dərk edirdik. Axı, sən bu işi tək özün üçün etmirsən. Biz elə bu yanaşma ilə qısa zamanda birdən gördük ki, tam olaraq bu işə bağlanmışıq (gülür).

– Siz klub rəhbərliyi olaraq hansı addımları atmaqla başladınız? İlkin olaraq nə etmək lazım idi?
– Düzü, futbolçular qısa zamanda çağırıldığı üçün komandada bəzi oyunlarda boşluqlar hiss olunurdu. Transfer pəncərəsi həmin vaxt bağlı idi. Biz isə həmin vaxt çarəsizlikdən çempionatın ortasında boş həftələrdə təlim-məşq toplanışına yığışmağa başlamışdıq. Çünki əlimizdə olan oyunçulara nəsə tapşırıqlar verib onları gücləndirmək məcburiyyətində idik. Başqa variant yox idi. Qələbə və uğur qazanmaq istəyirdik. Görülən işlərə görə müəyyən qədər nəticə əldə etdik, amma bu, final oynamaq üçün yetərli olmadı. İndi isə kifayət qədər zamanımız olduğu üçün güclü futbolçuları komandaya dəvət etmişik. Fikrimiz Həvəskar Liqasının kubokunu Sabirabada aparmaqdır. Yeni oyunçuları yoxlamaq üçün bu addımı komandaya uğurlu hesab edə bilərik. Allahın köməyi ilə buna nail olmağa çalışacağıq.

– Bəs gələcək üçün başqa nə kimi planlar var?
– Əslində planlar çoxdur, mütəmadi olaraq icra etməyə çalışırıq. Məsələn, müəyyən idman federasiyaları və şirkətlərlə görüşlər keçiririk. Hazırda çox böyük olmasa da bizə dəstək olan, bizimlə olan bir sıra partnyor və sponsorlarımız var. Bu vaxta qədər də dəstəklərini klubdan əsirgəməyiblər. Təbii ki, idman klubu olaraq bizim özümüzun də mövcud büdcəmiz var. Bu da komandanın bəlli xərclərini qarşılamaq üçün yetərlidir.

– Siz deyirsiniz ki, futbol işləri Sabirabadda yüksək səviyyədə təşkil olunub artıq. Heç bir probleminiz yoxdur? 
– Təbii ki, çətinliklərimiz də var. Hələ qarşıda görüləcək işlər də çoxdur. İş varsa, orada müəyyən problemlərin olması normaldır. Bildiyiniz kimi, biz əyalət komandasıyıq. Burada qızların futbola cəlb edilməsi üçün xeyli işlər görülməlidir. Hazırda bu da bizim gələcək strategiyamızın bir hissəsidir. Bu sahədə maarifləndirmə işləri mütləqdir. Belə ki, mövcüd olan çatışmazlıqları əlavə stimullaşdırıcı tədbirlər həyata keçirməklə aradan götürməyi nəzərdə tutmuşuq. 

– İstəkləriniz niyə bu qədər çoxdur? Sizcə, bütün bunları bacaracaqsınız?
– Biz artıq 10 ildən artıqdır ki, peşəkar idman klubu kimi fəaliyyət göstəririk. Adımız hər zaman sağlam idman rəqabətinə görə çəkilib. Fəaliyyətimiz barədə istərdik ki, xoş fikirlər eşidək. Hər zaman istər peşəkar idmançılar, istər media nümayəndələri, həmçinin futbol ictimaiyyətindən özümüzə qarşı xoş olan münasibəti hiss etmişik. Daim gözəl rəylər almışıq. Görünür buna layiq olmuşuq ki, o dəyəri bizə veriblər. Əlbəttə ki, biz də gələcəkdə vətənimizə layiq olmağa çalışacağıq. Bunun üçün ölkəmizdə münbit şərait də var. Ali Baş Komandan, möhtərəm cənab Prezident İlham Əliyevin idmana göstərdiyi diqqət və qayğı hər zaman bizi və bizim kimi idmansevərləri həvəsləndirməkdədir. Ölkə başçısı həmişə dəyərli zamanını idmana və gənclərin sağlam inkişafına sərf edib. Uğurlu nəticələr isə göz qarşısındadır. Əlavə olaraq qeyd edim ki, son zamanlar idman sahəsində, əsasən də futbol sahəsində aparılan kadr islahatları bizi gələcəyə daha da ümidlə baxmağa sövq edir. İnşallah, dünyada günü gündən inkişaf edən futbol Azərbaycanda da daha yüksək inkişaf mərhələsinə qədəm qoyar. Biz də gələcəkdə bu uğurda kiçik pay sahibi olduğumuz üçün fəxr edərik.

– İstəklərinizin içərisində II Liqada oynamaq da var. Bunu necə reallaşdırmağı düşünürsünüz?
– Həqiqətən yarımpeşəkar, yarımhəvəskar statusda olan II Liqada çıxış etmək başlıca arzularımızdan biridir. AFFA və PFL tərəfindən şərait yaradılsa, orada iştirak etmək istərdik. Çünki əvvəl də qeyd etdiyim kimi, biz Region Liqasına belə, mümkün qədər peşəkar səviyyədə başlamışdıq. Əgər növbəti mövsüm II Liqada çıxışımız mümkün olmazsa, o zaman yenidən Region Liqasına qatılıb, oradan II Liqaya yüksəlməyə çalışacağıq. 

Belə ki, illər öncə komanda idman növlərindən futzalda Azərbaycan Kubokunu qazanan idman klubu həmçinin mini-futbolda, çimərlik futbolunda da müxtəlif titullar əldə etmişdir.

Klub artıq böyük futbolda da təmsil olunacaq. Bu ildən Sabirabad rayonunda “Marafon Futbol Klubu” kimi fəaliyyətə başlayıb. Rayonda əsas komanda ilə yanaşı, uşaq futbolunun da inkişafı üçün işlər görülməkdədir. Futbol məktəbinə 6-15 yaş arası uşaqlar cəlb edilir. 

Komanda yeni mövsümdən etibarən Region Liqasında iştirak etmək və daha sonra 2-ci liqaya vəsiqə qazanmaqı qarşısına məqsəd qoyub.

Bu çətin yolda marafonçulara uğurlar arzu edirik!

Bununla əlaqədar olaraq artıq klubun yeni loqosu da hazırlanıb.